လောင်းကြေးရှုံးတဲ့ ကြက်ကို ရိုက်ချက်တာမျိုးတော့ မဟုတ်
အုံဖျက်ပြီး ပျားရည်အသယ်ခံရတဲ့ ဘ၀မျိုးတွေ
ကြိုတင်ကြံစည် သားစပ်ခံခဲ့ ရတဲ့နွားမက
တိုင်ချက်ဖွင့်တာ ကြားဖူးသလား
ပေါ်ခါနီးဝက်တွေ အစာဝအောင်ကျွေးခံရတာတော့ မျက်မြင်
မြေနဲ့ မထိအောင်ယုယ ခံနေရတာက ကင်ရောင်းမဲ့ ဘဲတစ်အုပ်
အိမ်လုံ အဖော်ရဖို့ဆိုတဲ့ ခွေးကလည်း
ကြွက်ခုတ်ဟန်ပြပြီး သာရာပြေးတတ်တဲ့ ကြောင်နဲ့ မတူပြန်ဘူး
ဝန်ပိုတွေအပေါ်မှာ ကြာပွတ်ထပ် အပိုးခံရတဲ့
မြင်းတွေရဲ့ လေးဖက်ကျခွာသံ
ကာရန်ညီလို့ မော်ဒန်မဖြစ်တော့ဘူးလား
ပြောသမျှနားထောင်လိုက်ရွတ် စားရေရိက္ခာအစုံနဲ့
နေရာမှာတင် ခုန်နေရတဲ့ ကြက်တူရွေးရယ်
လှိုင်းမမြင် ဖူးရှာတဲ့ ရေသတ္တ၀ါ
ဖန်အိမ်ထဲက ငါးတွေရယ်
ယတြာချေသမားတွေနဲ့ အသက်ဆက်နေရတဲ့
မြို့ လည်ခေါင်က ခိုတွေရယ်------
------------------------------------
တောတောင် လျှိုမြောင်တွေဆီက
ခြင်္သေ့ ကျား ၀ံပုလွေ
သမင် ဒရယ် ချေငယ် စိုင် ဆတ်တွေ လည်း
သန်ရာသန်ရာ သံဝါ သံပြာတွေ
ဌာန်ကုန် မာန်ကုန် သံစုံ ဟစ်လို့ ----။ ။
ဓါတ်ပုံ ကာတွန်းစောငို
No comments:
Post a Comment