Myint Myint Thein
ရှေးက သူဋ္ဌေးသား ၄ယောက် ဟာ တက္ကသိုလ်ပြည် ဒီသာပါမောက္ခဆရာကြီးဆီမှာ အတတ်ပညာများကို သင်ကြားနေကြတယ်။ သူတို့ ၄ ယောက်ဟာ တစ်တိုင်းပြည်စီကဖြစ်ပြီး တစ်ယောက်တစ်မျိုး သူတို့ဝါသနာပါတဲ့ ပညာကိုသင်ယူကြတာပဲ။
သူတို့ဝါသနာပါပြီး သင်ယူကြတဲ့ပညာတွေကတော့ တစ်ယောက်က အဆို အတီး အမှုတ်ဖြစ်တဲ့ သဘင်ပညာကို သင်ယူတယ်၊ တစ်ယောက်က ရောဂါ ဝေဒနာတွေကို ပျောက်ကင်းအောင် ကုသနိုင်တဲ့ ဆေးဆရာ အတတ်ကို သင်တယ်။ တစ်ယောက်က နေ လ နက္ခတ်တာရာတွေကို ကြည့်ပြီး လူတွေရဲ့ ကောင်းကျိုး ဆိုးပြစ်ကို ဟောပြောနိုင်တဲ့ နက္ခတ် ပညာကို သင်ယူတယ်။ တစ်ယောက်က လူတွေရဲ့ အတွေးအခေါ်၊ တွေးတောပုံ ကြံစည်ပုံ စတဲ့ စိတ်ပညာကို သင်ယူတယ်။
သူတို့ ၄ ယောက်ဟာ ၃ နှစ် ၃ မိုး အတတ်ပညာတွေကို ဆည်းပူး သင်ကြားပြီးတဲ့အခါကျတော့ စုံစုံလင်လင် တတ်မြောက်ပြီဖြစ်လို့ ဆရာကြီးထံ ချဉ်းကပ်ပြီး မိဘရပ်ထံ ပြန်ရဖို့ အကြောင်း ခွင့်တောင်းကြတယ်။
ဒီတော့ ဒီသာပါမောက္ခဆရာကြီးက “ မောင်တို့ ၄ ယောက်ဟာ ပညာစုံပြီမို့ မိဘရပ်ထံ ပြန်မည် ဆို ပြန်နိုင်ကြပြီ၊ နို့သော်လည်း တစ်ခုတော့ငါမှာလိုက်ချင်တယ်။ မောင်တို့ဟာ ပညာတတ်ပေမယ့် ကာလ ဒေသ နဲ့ လျှော်ညီအောင်မကျင့်တတ်ရင် ထမင်းငတ်တတ်တယ် ” လို့ သြဝါဒစကား ပြောကြားလိုက်သတဲ့။
ပြီးတော့ “ လမ်းခရီးမှာ ချက်ပြုတ်စားသောက်ဖို့ ” ဆိုပြီး အိုးနဲ့ ဆန် ထုတ်ပေးတယ်။ ဒီအခါ သူဋ္ဌေးသား ၄ ယောက်ဟာ တစ်ယောက်မျက်နှာ တစ်ယောက်ကြည့်လို့ ဆရာကြီးထုတ်ပေးတဲ့ ဆန်နဲ့ အိုးကိုယူပြီး တက္ကသိုလ်ပြည်ကထွက်ခဲ့ကြရော။
လမ်းတစ်ဝက်ရောက်တော့ ပါလာတဲ့ မသိုးထမင်း၊ မသိုးဟင်း တွေ ကုန်တာနဲ့ ရွာ့ပြင်က ဇရပ်တစ်ခုမှာ ထမင်းဟင်း ချက်စားဖို့ စီစဉ်ကြတယ်။ ဒီအချိန်ကျမှ ဆရာကြီးက အမြှော်မြင်ကြီးကြီးနဲ့ ဆန်နဲ့ အိုးပေးလိုက်တဲ့ အကြောင်းကို သူတို့ သဘောပေါက်ကြတော့တယ်။
ဒီလိုချက်ပြုတ်စားဖို
ဒီအခါ သဘက်ပညာသင်လာတဲ့ သူက ထမင်းချက်တာဝန်ကျတယ်၊ နက္ခတ်ဗေဒင် တတ်ထားတဲ့သူက ဟင်းသီးဟင်းရွက်ရှာဖို့ တာဝန်ယူတယ်။ သားငါး ဝယ်ဖို့ အလုပ်ကို ဆေးပညာတတ်ထားတဲ့ ဆေးဆရာက သူတာဝန်ယူမယ်လို့ ဆိုတယ်။ စိတ်ပညာဆရာက ထောပတ်ရှာဖို့ သူ့တာဝန်လို့ ပြောတာနဲ့ သူတို့ ၄ ယောက်ဟာ အလုပ်ကိုယ်စီ ကိုယ်ငှ ဝေပြီး ခွဲပြီး ဖြစ်သွားတာပေါ့။
ဒါနဲ့ အလုပ်စကြတော့ ဆေးပညာသင်လာတဲ့ လူက ရွာထဲကဈေးကို သွားပြီး ရောင်းချနေတဲ့ သားငါးတွေကို ကြည့်တယ်။ သားငါး အမျိုးစုံစုံလင်လင်ရှိပေမယ့် ဘယ်အသားငါးမှ သူမကြိုက်ဖူး။ ဒီရာသီမှာ ဒီအသားကို စားရင် ဘယ်လိုဖြစ်နိုင်တယ် စတဲ့ ဆေးပညာက ညွှန်းထားတဲ့ အတိုင်း သူ့စိတ်နဲ့ရွေးချယ်ပြီး ကြည့်လိုက်တာ နောက်ဆုံးတော့ ဘယ်အသား ငါး မှ မကြိုက်တာနဲ့ ဘာမှ မဝယ်တော့ဘူး။
ထောပတ် ဝယ်ရအောင်သွားတဲ့ စိတ်ပညာဆရာကတော့ ထောပတ်ကို ဝယ်လို့ရတာနဲ့ ပြန်လာတယ်။ လမ်းတစ်ဝက်ကို ရောက်တော့ ဖက်နဲ့ထုပ်ပြီး ကိုင်လာတဲ့ ထောပတ်ထုပ်လေး အပေါ် သူကသူ့ပညာနဲ့ ဆန်းစစ်ကြည့်တယ်။
ထောပတ်ဆိုတာ နွားနို့ကဖြစ်တာပဲ၊ နွားနို့ဟာ နွားမက ဖြစ်ရတာ၊ ထောပတ်ကို ထုပ်လာတဲ့ သစ်ရွက်ရော အခြားသစ်ရွက်ရော နွားကစားတယ်။ ဒါကြောင့်ထောပတ်ဟာ သစ်ရွက်က ဖြစ်တယ်။ ဒီလိုဆိုရင် သစ်ရွက်နဲ့နွား ဘယ်ဒင်းက အရင်ဖြစ်သလဲ၊ သစ်ရွက်ကြောင့်နွ
သား ငါး ဝယ်ဖို့ တာဝန်ယူထားတဲ့လူနဲ့ ထောပတ်ဝယ်ဖို့ တာဝန်ယူထားတဲ့လူဟာ စခန်းချရာကို အပြန်လမ်းမှာဆုံမိကြတော့ ဘယ်သူ့ဆီမှာမှ ဘာမှပါမလာကြတဲ့ အတိုင်း ကိုယ့်အဖြစ်ကို ကိုယ်ပြောပြီး ဇရပ်ဆီကို အတူလျှောက်ခဲ့ကြတယ်။ ဒါနဲ့ ဇရပ်ဘေးကို ရောက်လာတဲ့ အခါကျတော့ ကွဲနေတဲ့ထမင်းအိုးရယ်၊ ဘေးပတ်ပတ်လည်မှာ ပြန့်ကျဲနေတဲ့ ဆန်စေ့တွေရယ်၊ ထိုင်မှိုင်နေတဲ့ ထမင်းချက်တာဝန်ကျဆရာရယ်ကို တွေ့လိုက်ကြရတော့တာပဲ။
ဘာမှမပါဘဲ လကချည်းပြန်လာတဲ့ လူ ၂ ယောက်ဟာ ထမင်းအိုးကွဲပြီး ဆန်စေ့တွေပြန့်ကျဲပြီး ဖြစ်ချင်တိုင်းဖြစ်နေတဲ့ မီးဖိုကိုမြင်လိုက်ရတော့ စိတ်မော လူမော ဖြစ်သွားကြတာပေါ့။ ဒါနဲ့ ဘာဖြစ်လို့ ဒီလိုဖြစ်ကုန်သလဲ လို့ထိုင်မှိုင်နေတဲ့ ထမင်းချက်တာဝန်ကျဆရာကို မေးတယ်။
ဒီတော့ သဘင်ပညာသင်လာတဲ့ ထမင်းချက်ဆရာက “ ကျုပ်က လုပ်ရမယ့်ဝတ္တရားအတိုင်း မီးမွှေးပြီး ထမင်းအိုး တည်ပါတယ်။ မကြာခင်မှာပဲ ဆူပါတယ်။ ထမင်းအိုးက ပွက်ပွက်ဆူပြီး ဗြုတ်တုတ် ဗြုတ်တုတ် နဲ့ မည်လာတော့ ကျုပ်နားထဲမှာ ဒီအသံဟာ ပတ်လုံးသံလေးတွေကို တို့သံ ထိသံနဲ့ တူလှတာနဲ့ ဒီအသံနဲ့လိုက်တဲ့ သီချင်းလေးတစ်ပုဒ် ညည်းပြီး ထ ကမိပါတယ်။ ဒီလိုကနေတုန်း နောက်ပြန်ခတ်လိုက်တဲ့ ခြေထောက်က ထမင်းအိုးကို ခတ်မိတာနဲ့ အခုမြင်ကြတဲ့ အတိုင်း ထမင်းအိုးလဲ ကျကွဲပြီး ကိစ္စချောကုန်တော့တာပါပဲ။ ” လို့ပြန်ပြောတယ်။
ထောပတ်ရှာသွားတဲ့လူနဲ
မကြာခင်ပဲ သူတို့ဟာ ဥသျှစ်ပင်ကြီး တစ်ပင်ရဲ့ ထိပ်ဖျားမှာ ငုတ်တုတ် ထိုင်နေတဲ့ ဟင်းရွက်ရှာသမားကို တွေ့ကြတယ်။ ဒါနဲ့ မိတ်ဆွေ ၃ ယောက်က အော်ခေါ်ပြီး အောက်ကိုဆင်းခိုင်းကြတယ်။ အောက်ကိုရောက်လာတဲ့ အခါကျတော့ “ ဘာဖြစ်လို့ ဒါလောက်ကြာအောင် ဥသျှစ်ပင်ပေါ်မှာ ထိုင်နေရတာလဲ ” လို့ဝိုင်းမေးကြတဲ့အခါ ဟင်းရွက်ရှာတဲ့ဗေဒင်ဆရာက “ ကျုပ်ကဥသျှစ်ရွက်နုလေးတွေခူးမလိ
တစ်ယောက်အကြောင်း တစ်ယောက် နားလည်ပြီး ဖြစ်ကြတဲ့ တက္ကသိုလ်ပြန် ၄ ယောက်ဟာ စခန်းချတော့ ဇရပ်ကို ပြန်ရောက်တဲ့အခါကျတော့ သူတို့ တက္ကသိုလ်က ပြန်ခါနီးမှာ ဆန်နဲ့ အိုးကို ထုတ်ပေးပြီး “ ကာလ ဒေသနဲ့ ကိုက်ညီအောင် မကျင့်တတ်ရင် ထမင်းငတ်တတ်တယ်။ ” လို့ သြဝါဒပေးလိုက်တဲ့ ဒီသာပါမောက္ခ ဆရာကြီးရဲ့ စကားကို တွေးမိကြတော့တယ်။ ဒီတော့မှ “ တို့ဟာ ဆရာသင်ပေးတဲ့ ပညာတစ်ခုတည်းကိုချည်း အားကိုးလို့ မဖြစ်သေးဘူး၊ ကာလ ဒေသနဲ့ ကိုက်ညီအောင်လည်း ကျင့်တတ်ဦးမှ ဖြစ်မယ်။ မကျင့်တတ်လို့ ခုလိုထမင်းငတ်တာထက် အတတ်ကျူးလို့ အရူးဖြစ်တာက ပိုဆိုးတယ် ” လို့ အချင်းချင်းဝေဖန်ပြောဆိုကြပြီး ဒီဇရပ်ကလေးကပဲ လူစုခွဲလို့ ကိုယ့်ပြည်ကို ကိုယ်ပြန်သွားကြတယ်။
(လူထု ဦးလှ ၏ တိုင်းရင်းသားပုံပြင်များစာအုပ်
No comments:
Post a Comment