လွတ်မြောက်ခွင့်
လွတ်မြောက်ခွင့်ပေးကြပါ
ငါမယုံကြည်ခဲ့တာကို ချမ်းသာပေးကြပါ
ယုံကြည်မှု ကင်းမဲ့နေတဲ့ ငါ့နှလုံးသားကို
ရဲရဲ ၀ံ့ဝံ့ ရင်ဆိုင်ပါရစေ
လွတ်မြောက်ခွင့်ပေးပါ။
လူ့ဘ၀ အနှစ်သာရတွေကို
ပစ်ပယ်ခ၀ါ ချလို့ ၀ပ်တွားခဲ့ပါတယ်
အကြိမ်တွေ ခပ်များများနဲ့ပေါ့
ခြောက်လှန့်ခံ ငါ့ဝိဥာဉ်ကို
လွတ်မြောက်ခွင့်ပေးပါ။
ခိုင်းသမျှ လုပ်ခဲ့ပါတယ်
လွတ်လပ်မျှတစွာ တွေးပါရစေတော့
စာကြောင်းတွေ စကားလုံးတွေနဲ့
တုပ်နှောင်မှုထဲမှ လွတ်မြောက်ပါရစေ
လွတ်မြောက်ခွင့်ပေးပါ။
အထင်လွဲမှုလေး တစ်ခုအတွက်
လက်ညိုးငေါက်ငေါက်ထိုးပြီး
မြေကျင်းထဲ မထည့်ကြပါနဲ့
ဆန္ဒမပါတဲ့ ဆက်ဆံမှုတွေ
ရပ်တန့်ပေးကြပါ
သွေးသားတွေကို သက်မဲ့လို
ယိုးမှားခဲ့တာတွေ ရပ်ပါတော့
လွတ်မြောက်ခွင့်ပေးပါ။
အဆုံးမဲ့ငြိမ်းချမ်းရေး တရား
လွတ်မြောက်မှု လမ်းပေါ်ကို
ငါမြင်နေရလို့ သွားခွင့်ပြုပါ
အောက်ခြေလွတ်ပြီး
မြောက်တက်သွားမှာ မဟုတ်ပါဘူး
တစ်ကယ်ပါ
လွတ်မြောက်ခွင့်ပေးပါ။
No comments:
Post a Comment